Aurkezpenen laburpena
AURKEZPENEN LABURPENA
Martxoaren 13an gure gelakideek “AZKEN 200 URTEETAN ZEHAR IZANDAKO HEZKUNTZA SISTEMAREN ALDAKETA NABARMEN”-ei buruz hitz egin ziguten haiek prestatutako aurkezpen baten bitartez. Horrela, hemen guk haiek egindako lanaren laburpen bat aurkeztuko dugu:
Espainiako hezkuntza sistema etengabeko aldaketa batean murgilduta dago; izan ere, gobernu aldaketa bakoitzak hezkuntzaren alorrean aldaketa bat eragiten du.
Azken 200 urteetan hezkuntzan eman diren aldaketatik hiru bakarrik eragin erreala izan dute: 1857ko erreforma, 1990ko aldaketa LOGSErekin eta azkenik, LOE erreforma 2006an.
Hurrengo honetan, adierazitako 3 aldaketa sortzaile hauen ezaugarririk garrantzitsuenak azalduko ditugu era labur batean:
Hasteko, 1857ko Erreforma Liberala. “Moyano legea” deitutakoa, mende oso bat iraun zuen eta hezkuntza sistemari oreka ematea lortu zuen. Hezkuntzaren antolamendu guztia elizaren eskuetan zegoen eta soilik gizartearen zati bati eskainita zegoen. Aldaketa honekin, hezkuntza sistema 3 mailatan banatuta egotera pasatu zen: LH, DBH eta Goi mailako Hezkuntza eta gizartearen beharrak asetzeko hezkuntza diseinatu zen: publikoa, berdintasunaren alde eta dohainikakoa. Lege honek izandako arazorik handiena: estratifikazio soziala eragin.
Ondoren, 1970 hasi eta 1990. urtean eman zen Hezkuntza Erreforma daukagu, LOGSE. Lege honen ezarpenean zegoen egoerari erreparatuz, gizarte eta hezkuntza arloetan desberdintasunak zeudela ikusi ahal da; eta gizarte aldaketa horren ondorioz hezkuntzan aldaketa baten beharra ikusi egin zen.
Erreforma honek hainbat lorpen bultzatu zituen: hezkuntza mixtoa (mutil eta neskak), derrigorrezko eta dohainiko hezkuntza 16 urte arte luzatu zuen eta titulu ofizial bat eskaini. Dena den, honen helburua zen neska-mutil guztiak eskolatzea. Lorpenez gain porrota batzuk ere izan zituen lege honek; hala nola, arauen arloan arazoak sortu ziren, HHri arreta gutxi jarri zioten eta prestakuntza profesionalean gainbeherak eman ziren.
Amaitzeko, 2006ko LOE daukagu, hezkuntza arloan sortu diren hainbat legeetatik bizirik iraun duenetako bat. LOEk aldarrikatu nahi duena da: Hezkuntza sistema-egonkortasun bat finkatzea, ordena eta argitasuna jartzea eta printzipio batzuk jarriz soluzio berriak gehitu ahal izatea hezkuntzan dauden arazoak konpontzeko.
Lege hau Hezkuntzaren arazorik handienari konponbidea ematea, Hezkuntzan kalitaterik onena lortzea eta guztiontzat bidezkoa izatea espero da baina denborak esango digu iguripen guzti hauek lortzeko kapaza izango den ala ez.
Martxoaren 13an, gure gelakide batzuk erreformen inguruko aurkezpen bat egin ziguten. Hemengo sarrera honetan hitzaldi horren laburpen bat adierazi egingo da.
Erreforma, Estatuaren agintean partidu politiko ezberdinak jartzean hezkuntzan gauza batzuk aldatzen dituzte curriculumean eragina izan dezaketenak. Hauek ez dute beti eragin ona hezkuntzan eta aldaketa sakonak ematen direnean “kontraerreforma deritzo” Adibide batzuk: LOGSE, LOCE, LOE eta gaur egun eman den LOMCE dira.
Erreformak, politikoki eman diren porrotei aurre egiteko helburuarekin sortzen dira eta eragina dute modelo ezberdinetan. Adibidez, modelo sozialean, modelo eskolarrean, modelo pedagogikoan eta gestio eta parte-hartze modeloan.
Jarraian erreformen porrotei buruz hitz egin zuten. Gai honetan eman zituzten adibideetako batzuk ondorengoak izan ziren: Irakaskuntzaren konpromezua eta prestakuntza, ezartze arazoak (Teorikoki erreforma guztiak izugarriak dirudite, baina, beren aplikazioak ez dira egokiak), diseinu uniformeak errealitate ezberdinetarako, erreforma hezitzaileen bakardadea, etab.
Amaitzeko, konklusio bat atera egin zuten, erreformarik gabeko etorkizuna; hain zuzen ere.
Martxoaren 22an, klasean konstruktibismoa eta ikaskuntza motei buruzko aurkezpen bat egin zuten gure gelakide batzuk. Honi buruzkoa izango da hurrengo sarreran adieraziko dena, hain zuzen ere.
Lehenengo konstruktibismoari buruz hitz egin ziguten eta definizio bat eman ziguten, ondorengoa dena: ikaskuntza-prozesuaren garapena azaltzen duen teoria bat. Teoria honen arabera, ikaslea bera da ezagutza eraikitzen duena, norberaren beharretatik eta interesetatik abiatuta ikasiz.
Ondoren, lau ikaskuntza mota azaldu zizkiguten: Harrera errepikakorra, harrera esanguratsua, aurkikuntza errepikakorra eta aurkikuntza esanguratsua.
Lehenengoan, ikasleak jarrera pasibo bat hartzen du, emandako kontzeptuak buruz ikasiz. Gainera umeak aurre ezagutzarik izan gabe egiten da, bere ezagutzekin konexiorik egin gabe. Bigarrenean, aurretiko ideiak kontuan izanda eskema berriak eratzen dira. Bertan, ez da kontuan hartzen norberaren erritmoa edo aldez aurretik jasotako ikaskuntza, azkenengo emaitza da bakarrik kontuan hartzen dena. Hirugarrengoan, subjektuak paper aktiboa izango du, bere kabuz aurkitu eta sortuko ditu kontzeptuak, horien arteko erlazioa eginez eta ezagutza horiek berriro ordenatuz eskema kognitibora egokitzeko. Azkenengoan, ikasleak paper aktiboa jokatuko du. Honen aurretiko ezagutza oso garrantzitsua izango da, ezagutza horien baitan sortuko baita ezagutza berria eta irakaslea kanpotiko laguntza izatera mugatuko da.
Azalpenaren ostean, talde txikitan jarri ginen eta kontzeptu bakoitza egoera batera plazaratu genuen antzerki baten bitartez argi geratzeko helburuarekin.
Beste gelakide batzuk hezkuntza berrikuntzen inguruan egin zuten beste aurkezpen bat. Gai honen inguruan Carlos Magro-k dituen hainbat ideia esan zizkiguten. Esandako batzuk ondorego hauek izan ziren:
- Hezkuntza sistemek erreformaren beharra daukate ez baitute eragin positiborik.
- Sistema hau berritu behar da gizartearen eraldaketa azkarra eta bortitza dela eta; informazio asko daukagu baina ezagutza falta zaigu.
- Gaur egungo eskoletan berrikuntza pedagogikoa beharrezkoa dela, eta ez bakarrik teknologikoa gaur egun gertatzen den bezala.
- Sistema aldaketa, eraldaketa pedagogikoa, teknologikoa eta kulturala ematen denean etorriko da.
- Erreforma ezin da eskolaren errealitateari bizkarra emanez sortu.
- Aldaketa eskolan sortu eta honen onurako sortu behar da.
Gure gelakideek azalpen honekin aditu honen ideiak transmititzea zuten helburu.
